Biełaruska prosić čyhunku zrabić žanočyja kupe — jana narvałasia ŭ darozie na seksualna zakłapočanaha mužčynu
Biełaruska Nastaśsia prapanuje kiraŭnictvu Biełaruskaj čyhunki dadać opcyju nabyvać kvitki ŭ vyklučna žanočych kupe ci dać mahčymaść zahadzia razumieć, ludzi jakoha połu ŭžo vykupili miesca pobač z taboj u vahonie.
«Chočacca razumieć nastupstvy», — arhumientuje jana, raskazvajučy, što 30 sakavika na ciahniku Homiel-Brest trapiła ŭ kupe z 65‑hadovym mužčynam, jaki pavodziŭ siabie nieadekvatna. «Heta nienarmalna zavodzić temy seksualnaha charaktaru z namiokami pra toje, što možna było b seksam zaniacca. I toje, što ja maŭčała, nie značyła, što ja da hetaha dobra staŭlusia — ja pieražyvała za svaju biaśpieku».
Razam z Nastaśsiaj u kupe jechała jašče adna žančyna sa svaimi niepaŭnaletnimi synami. Pa słovach dziaŭčyny, spadarožnika paniesła nastolki, što jon pačaŭ dzialicca svaimi seksualnymi rekordami i davodzić uhołas, što incest — heta norma.
«Ja była ŭ šoku, što jamu było absalutna plavać, što pobač maleńkija dzieci. Nichto nie moh nam dapamahčy, tamu jon siadzieŭ i karystaŭsia hetym».
U kamientarach dziaŭčynie zadajuć pytańnie, čamu jana adrazu nie paskardziłasia na susieda pa kupe pravadnikam, jakija mahli b pryniać miery — u tym liku pierasadzić mužčynu ŭ inšaje kupie ci zusim vysadzić ź ciahnika ŭ vypadku abvastreńnia situacyi. Nastaśsia tłumačyć svaje pavodziny stracham.
Jana dumaje, što mnohija bajacca narvacca na kanflikt u padobnych situacyjach, tamu, na pohlad Nastaśsi, mahčymaść vybaru vyklučna žanočaha kupe mahło b stać rašeńniem prablemy.
Žančyny ŭ kamientarach, z bolšaha, salidarnyja z Nastaśsiaj, a voś mužčyny nie razumiejuć, čamu jana nie abaraniła siabie ci nie paklikała kahości, kab niepryjemnamu spadarožniku «dali lašča» ŭ metach vychavańnia.
«Ci možna było b vieści rejtynh pasažyraŭ. Nabrałasia paru skarhaŭ — i ty ŭžo nie možaš katacca ŭ hramadskim transparcie», — prapanavali jašče adno cyvilizavanaje raźviazańnie.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie13
Kamientary
ale dziaŭčyna całkam prava. reśpiekt joj