ŚMI raskryli detali iranskaha płana z 10 punktaŭ pa pieramirji

Pieramovy pamiž ZŠA i Iranam pra doŭhaterminovaje pieramirje mohuć prasunucca napierad, adnak źmiest prapanavanaha Tehieranam płana vyklikaje sumnieńni.

Fota: Fatemeh Bahrami/Anadolu via Getty Images

Pa słovach Donalda Trampa, dakumient z dziesiaci punktaŭ moža stać «asnovaj dla pahadnieńnia», ale ŭciečki ŭ ŚMI pakazvajuć, što pazicyi bakoŭ pa-raniejšamu dalokija adna ad adnoj, piša Bild.

Iran, pavodle danych blizkich da ŭład ahienctvaŭ Tasnim i Fars, patrabuje zachavać kantrol nad Armuzskim pralivam, prava na ŭzbahačeńnie ŭranu i źniaćcie mižnarodnych sankcyj. Taksama siarod umoŭ — vyvad amierykanskich vojskaŭ z rehijonu, kampiensacyi za škodu i spynieńnie bajavych dziejańniaŭ va ŭsich kirunkach, uklučajučy Livan.

Pry hetym u bolš miakkaj viersii płana havorycca pra hatoŭnaść Tehierana abmiežavać jadziernuju prahramu i admovicca ad raspracoŭki jadziernaj zbroi.

Asablivuju ŭvahu pryciahvaje razychodžańnie ŭ viersijach dakumienta: punkt pra prava na ŭzbahačeńnie ŭranu jość u piersidskaj viersii, ale adsutničaje ŭ anhłamoŭnaj. Heta supiarečyć klučavoj mecie ZŠA — nie dapuścić stvareńnia Iranam jadziernaj zbroi.

Tramp śćviardžaje, što mahčymaje pahadnieńnie «poŭnaściu vyrašyć» jadziernaje pytańnie i nazyvaje dasiahnutuju dvuchtydniovuju paŭzu ŭ bajavych dziejańniach «poŭnaj pieramohaj».

Dadatkovyja detali čakajucca na bryfinhu Pientahona z udziełam ministra abarony Pita Chiehsieta i kiraŭnika Abjadnanaha kamiteta načalnikaŭ štaboŭ Dena Kiejna.

Kamientary da artykuła