ZŠA, Iran i Izrail damovilisia ab prypynieńni ahniu na dva tydni. Pieramovy projduć u Isłamabadzie
Pieršy raŭnd pramych pieramoŭ pamiž ZŠA i Iranam zapłanavany na 10 krasavika.
Tramp zajaviŭ, što pahadziŭsia prypynić bambardziroŭki Irana na dva tydni pry ŭmovie nieadkładnaha adkryćcia Armuzskaha praliva z boku Tehierana.
Pieramovy ZŠA i Irana projduć u Isłamabadzie — stalicy Pakistana. Pra heta paviedamiła Vyšejšaja rada nacyjanalnaj biaśpieki Irana.
Jak paviedamlaje ahienctva Tasnim, siarod punktaŭ prapanavanaha Tehieranam mirnaha pahadnieńnia — harantyi nienapadu z boku ZŠA, zachavańnie kantrolu Irana nad Armuzskim pralivam, zhoda na ŭzbahačeńnie ŭranu, admiena ŭsich asnoŭnych i druhasnych sankcyj, a taksama vypłata kampiensacyi Iranu. Akramia taho, Iran pahadziŭsia na prapanavanaje Pakistanam dvuchtydniovaje spynieńnie ahniu.
Paśla dypłamatyčnych namahańniaŭ Pakistana i ŭmiašańnia Kitaja — klučavoha sajuźnika, jaki ŭ apošni momant zaklikaŭ Tehieran prajavić hnutkaść i źnizić napružanaść — Iran pahadziŭsia na dvuchtydniovaje pieramirje.
Pavodle ich słoŭ, rašeńnie było pryniata na fonie ŭzrastajučych aściaroh z-za ekanamičnych nastupstvaŭ i škody krytyčnaj infrastruktury.
Spynieńnie ahniu ŭchvaliŭ novy viarchoŭny lidar — ajatała Modžtaba Chamieniei.
Pry hetym zastajecca nieviadomym, ci hatovy Tehieran nieadkładna adkryć Armuzski praliŭ.
CNN paviedamlaje, što da dvuchtydniovaha pieramirja dałučyŭsia i Izrail. Pavodle vysokapastaŭlenaha pradstaŭnika Biełaha doma, Izrail pahadziŭsia prypynić bambardziroŭki na čas pieramoŭ.
Iranskija ŚMI, u svaju čarhu, zajaŭlajuć pra «histaryčnuju i biassprečnuju parazu» ZŠA. U zajavie Rady nacyjanalnaj biaśpieki Irana śćviardžajecca, što ZŠA «bolš za miesiac malili spynić razburalny ahoń Irana».
Pavodle Tasnim, ZŠA pryniali prapanavanyja punkty jak asnovu dla pieramoŭ. Pra heta taksama kazaŭ Donald Tramp.
Izrail paćvierdziŭ spynieńnie bajavych dziejańniaŭ suprać «Chiezbały» ŭ Livanie. Spynieńnie ahniu pamiž ZŠA, Izrailem, Iranam, a taksama Livanam pavinna ŭstupić u siłu ŭ najbližejšy čas, zajaviŭ premjer-ministr Pakistana Šachbaz Šaryf.
Pry vyratavańni piłota ŭ Iranie CRU vykarystała sakretny instrumient «Pryvidny šept». Jon łović samyja słabyja sihnały čałaviečaha arhanizma
Iran spyniŭ pramyja pieramovy z ZŠA paśla rezkich zajaŭ Trampa
Tramp: Siońnia ŭnačy zahinie cełaja cyvilizacyja
Na vostravie Chark prahrymieli vybuchi
U Iranie zaklikali studentaŭ i školnikaŭ vychodzić u žyvyja łancuhi vakoł elektrastancyj
Madžtaba Chamieniei pa-raniejšamu ŭ ciažkim stanie i biez prytomnaści — The Times
Kamientary
Jeśli vieriť ich korriespondientu iz Biełoho Doma, to, pieriemirije na 2 niedieli, zaklučieno na usłovijach Irana.