U rasijskim MZS nazvali błakavańnie biełaruskich prapahandystaŭ u jutubie «varvarstvam»
Pradstaŭnica MZS Rasii Maryja Zacharava raskrytykavała błakavańnie biełaruskich dziaržaŭnych ŚMI na YouTube, nazvaŭšy heta «varvarstvam XXI stahodździa».
Maryja Zacharava. Fota: MZS Rasii
Maryja Zacharava ŭ svaim kamientary skazała, što padobnyja dziejańni sprabujuć apraŭdać baraćboj ź niedakładnaj infarmacyjaj, ale, na jaje dumku, takija padychody źjaŭlajucca nieabhruntavanymi.
«Heta varvarstva XXI stahodździa, jakoje sprabujuć apraŭdać roznymi padstavami, naprykład, baraćboj ź niedastaviernym kantentam. A čamu ź siabie nie pačnuć», — prakamientavała pradstaŭnica MZS Rasii.
Taksama jana prapanavała biełaruskim ŚMI pierachodzić na rasijskija internet-płatformy, u pryvatnaści na servis Max.
3 krasavika servis YouTube vydaliŭ kanały infarmacyjnaha ahienctva BiełTA, a taksama telekanałaŭ ANT i STB, patłumačyŭšy heta dziejańniem sankcyj. U biełaruskim MZS zajavili, što heta hrubaje parušeńnie pryncypaŭ AAN, a Ministerstva infarmacyi adznačyła, što pakidaje za saboj prava pryniać miery ŭ adkaz.
Čytajcie taksama:
Z YouTube vydalili kanały BiełTA, STB i ANT. Ułady pahražajuć kontrmierami
Čamu YouTube vydaliŭ kanały BiełTA, STB i ANT? Voś što viadoma