Čamu YouTube vydaliŭ kanały BiełTA, STB i ANT? Voś što viadoma
Uviečary 3 krasavika YouTube vydaliŭ try dziaržaŭnyja prapahandysckija kanały — BiełTA, STB i ANT.
Ministerstva infarmacyi zajaviła, što niehatyŭna aceńvaje hety «niedružalubny i biespadstaŭny krok» i pakidaje za saboj prava na pryniaćcie nieabchodnych mier reahavańnia.
Źjaviłasia viersija, što pryčynaj błakiroŭki moh stać vypusk prahramy Ramana Pratasieviča na STB ad 2 krasavika pra supracoŭnikaŭ Biełaruskaha rasśledavalnickaha centra, dzie jon ahučvaŭ mabilnyja telefony i adrasy žurnalistaŭ. Abo jaho vypusk pra ŭdzielnikaŭ śviatkavańnia Dnia Voli ŭ Vilni, dzie raskryvalisia ŭdzielniki.
Adnak ci mahła być pryčyna ŭ hetym? Zvyčajna, kali YouTube vyjaŭlaje parušeńnie ŭ videa, to vydalaje ci abmiažoŭvaje tolki jaho, vydajučy aŭtaru papiaredžańnie. Vydaleńnie kanała — nadzvyčajny vypadak, dla jakoha patrebnaje vielmi hrubaje parušeńnie pravił płatformy.
A vydaleńnie adrazu troch, uskosna źviazanych adzin z adnym, kanałaŭ vielmi składana patłumačyć vyklučna parušeńniem u niejkim asobnym videa ci dvuch.
Bolš vierahodna, što kanały biełaruskaj prapahandy vydalili z-za sankcyj, nakładzienych na ich ułaśnikaŭ. Čamu hetyja try, a nie inšyja — vierahodna, ich rehistravaŭ toj ci tyja, chto ŭ sankcyjnym śpisie.
«Nasamreč hetyja kanały mielisia być zabłakavanyja daŭnym-daŭno ŭ vykanańnie sankcyj, nakładzienych na ŭłaśnikaŭ hetych kanałaŭ, jurydyčnych asob — Biełteleradyjokampaniju i inšych, — prakamientavaŭ «Našaj Nivie» daradca Cichanoŭskaj Franak Viačorka. —
Raniej my padymali heta pytańnie z Google, i jany kazali, što błakujuć kanały ŭ vykanańnie sankcyj u tych krainach, jakija da ich źviartajucca.
Što pasłužyła poŭnamu błakavańniu i čamu mienavita ciapier, heta my pasprabujem vyśvietlić najbližejšym časam».
Kamientary