Pa-biełarusku vyjdzie adna z samych viadomych knih pra budyzm
Vydaviectva «Hutenbierh» paviedamiła, što nabyło pravy na biełaruski pierakład knihi «The Heart of the Buddha’s Teaching: Transforming Suffering into Peace, Joy, and Liberation» («Serca vučeńnia Budy: jak pieraŭtvaryć pakuty ŭ spakoj i radaść») Tchyć Niat Chania.
Nad pierakładam pracujuć Łarysa Ivaškievič, Anton Taras i Maks Ščur u supracy z vydaviectvam. Vychad knihi płanujecca ŭ kancy 2026 hoda.
Heta adna z samych viadomych i dastupnych knih pra budyzm, u jakoj aŭtar — dzen-majstar i myślar — prosta i hłyboka tłumačyć asnovy vučeńnia Budy.
Heta kniha taksama pra toje, jak u štodzionnym žyćci pracavać z bolem, tryvohaj i niaŭpeŭnienaściu — i pastupova pieratvarać ich u spakoj, radaść i svabodu.
Vydaviectva paviedamlaje, što knihu mnohija nazyvajuć «uvachodam u budyzm»: jana nie patrabuje papiarednich viedaŭ.