Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek
Usim svajakam aryštantaŭ tearetyčna pahražaje turma.
U represiŭnym śpisie 10 telehram-čataŭ, 9 vajbier-čataŭ i 3 supołki Ukantakcie.
U mnohich ź ich sotni ci navat tysiačy padpisčykaŭ. Naprykład, u adnoj tolki supołcy najbujniejšaj biełaruskaj kałonii — №2 u Babrujsku — bolš za 3500 udzielnikaŭ.
6 krasavika stała viadoma, što KDB nadaŭ taki status Telegram-čatu «SIZO №1 Koladiči». Heta samy bujny čat pa padtrymcy svajakoŭ viaźniaŭ, dzie sabranyja roznyja hajdy, jakija dapamahajuć ludziam aryjentavacca paśla zatrymańnia blizkaha.