KDB pryznaŭ ekstremisckim farmavańniem «Biełaruskuju nacyjanalnuju kaalicyju», a zahinułaha Mikitu Kryŭcova nazvaŭ adnym ź jaje arhanizataraŭ
Kamitet dziaržaŭnaj biaśpieki Biełarusi pašyryŭ rejestr arhanizacyj, dziejnaść jakich nazyvaje niezakonnaj. 7 krasavika stała viadoma pra ŭklučeńnie ŭ śpis «ekstremisckich farmavańniaŭ» inicyjatyvy «Biełaruskaja nacyjanalnaja kaalicyja» i «Premija Dajviera».
Siarod šasnaccaci asob, jakich KDB ličyć datyčnymi da stvareńnia «Biełaruskaj nacyjanalnaj kaalicyi», značycca imia Mikity Siarhiejeviča Kryŭcova, 31 lipienia 1992 hoda naradžeńnia.
Hetyja danyja całkam adpaviadajuć danym Mikity Kryŭcova z Žodzina, jaki zahinuŭ pry niavyśvietlenych abstavinach jašče padčas pratestaŭ u žniŭni 2020 hoda. Uviečary 22 žniŭnia vartaŭnik dačnaha kaapieratyvu znajšoŭ cieła Mikity ŭ lesie na vulicy Parnikovaj u Minsku.
Akramia zahinułaha Kryŭcova, u śpis trapili Mikałaj Bandarenka, Maksim Barodzič, Kira Bajarenka, Siarhiej Druhakaŭ, Alaksandr Jerhulevič, Volha Karpušonak, Michaił Kučaraŭ, Kaciaryna Kučuk, Ała Marcinovič, Ilja Mironaŭ, Siarhiej Pušnoŭ, Taćciana Radzievič, Juryj Rudź, Natalla Fidler, Alena Fiłatava.
Taksama KDB unios u śpis novaje «farmavańnie» «Premija Dajviera», jakoje siłaviki źviazvajuć ź imiem Andreja Łapickaha.
Kamientary
Nu nie połučitsia, u khb łukašienko, sdiełať iz Biełarusi časť Rośsii!