Łukašenka pryniaŭ davierčyja hramaty pasłoŭ dziesiaci krain
Davierčyja hramaty ŭručyli dypłamaty ź Japonii, Šry-Łanki, Tanzanii, Samali, Paleściny, KNDR, Jehipta, Hany, Banhładeš i Ałžyra.
«My adkrytyja dla vašych inicyjatyŭ pa raźvićci dvuchbakovych adnosin — ci heta handal, inviestycyi, navuka, kultura, adukacyja, sport abo narodnaja dypłamatyja. Možacie raźličvać na padtrymku na ŭsich uzroŭniach. Ja zaprašaju vas bolš ščylna paznajomicca nie tolki z našaj kulturaj, ale i z našymi mahčymaściami. Kožnaja z vašych krain maje što prapanavać u nas. Dźviery dla vas u Biełarusi adčynienyja. Žadaju vam paśpiachovaj i plonnaj pracy na vašaj adkaznaj pasadzie ŭ Biełarusi», — źviarnuŭsia Łukašenka da zamiežnych pasłoŭ.
Taksama stała viadoma, što ŭ červieni Biełaruś naviedaje prezident Hany Džon Dramani Machamu.