U Biełarusi źbirajucca pravieści probny pierapis nasielnictva

Zhodna z apublikavanym zakonaprajektam, probny pierapis nasielnictva ŭ Biełarusi moža pravodzicca rašeńniem Savieta Ministraŭ i pavinien adbycca nie paźniej čym za dva hady da asnoŭnaha pierapisu, piša BiełTA.

Fota: AP Photo / Pavel Bednyakov

Heta značyć, što kankretnaja data nie zamacavanaja zahadzia — jaje buduć vyznačać urad i dziaržaŭnyja orhany statystyki. Ale jość hałoŭnaje abmiežavańnie: jana abaviazkova pavinna być za 1—2 hady da asnoŭnaha pierapisu.

Padčas takoha probnaha pierapisu praviarajuć, jak pracujuć usie pracedury: ankiety, sposaby zboru infarmacyi, anłajn-sistemy i apytańni. Jaho pravodziać u adnym abo niekalkich rehijonach krainy, kab adładzić praces pierad ahulnanacyjanalnym pierapisam.

Taksama ŭ zakonaprajekcie paznačana, što:

• danyja možna padavać anłajn abo praź intervju ź pierapisčykami;
• infarmacyja źbirajecca biez abaviazkovaha paćviardžeńnia dakumientami;
• udzielničajuć ludzi ad 15 hadoŭ;
• źviestki pra dziaciej abo asob pad apiekaj padajuć darosłyja členy siamji.

Kamientary da artykuła