U dom kiraŭnika OpenAI Sema Altmana kinuli kaktejl Mołatava
Napadnik byŭ zatrymany. Jon taksama pahražaŭ padpalić hałoŭny ofis kampanii ŭ San-Francyska.
Na viłu suzasnavalnika i hienieralnaha dyrektara kampanii OpenAI Sema Altmana ŭ San-Francyska ŭ piatnicu byŭ ździejśnieny napad: 20‑hadovy mužčyna kinuŭ u jaje butelku z zapalnaj sumieśsiu, u vyniku čaho zaharelisia varoty, ale nichto ź ludziej nie paciarpieŭ, paviedamili ŭ miascovaj palicyi.
Napadnik uciok, adnak paźniej byŭ zatrymany. Jon taksama pahražaŭ padpalić hałoŭny ofis kampanii ŭ San-Francyska.
Pavodle infarmacyi San Francisco Chronicle, padazravany pa imieni Alechandra Daniel Marena-Hama źmieščany pad vartu. U palicyi adznačyli, što matyŭ jaho dziejańniaŭ zastajecca niezrazumiełym.
Tym časam u apošni čas kampanija OpenAI, viadomaja jak raspracoŭščyk čat-bota na bazie štučnaha intelektu ChatGPT, i jaje kiraŭnik Sem Altman stali mišeńniu pratestaŭ praciŭnikaŭ štučnaha intelektu, jakija bačać u hetaj technałohii pahrozu dla čałaviectva.