U Hrodnie sabrali pieršy ŭradžaj bakłažanaŭ
U Hrodnie ŭ ciaplicach pačaŭsia pieršy zbor uradžaju bakłažanaŭ, i ŭžo ŭ najbližejšy čas u prodaž pastupić śviežaja miascovyja harodnina.
Zdymak ilustracyjny. Fota: Freepik.com
Na Hrodzienskaj aharodninnaj fabrycy ŭžo sabrali kala dźviuch ton bakłažanaŭ. Jak adznačyła hałoŭny ahranom Taćciana Aponik, apošnija dziesiać hadoŭ tam vyroščvajuć hatunak «Biejonse», jaki dobra pryžyŭsia ŭ miascovych umovach i daje stabilny ŭradžaj — prykładna 24 kiłahramy z adnaho kvadratnaha mietra.
Zbor bakłažanaŭ patrabuje aściarožnaści: rabotniki vykarystoŭvajuć siekatary, kab nie paškodzić raśliny, i ŭvažliva ahladajuć kožny płod. Harodnina z defiektami, naprykład z pałoskami abo ŭvahnutaściami na skurcy, adbrakoŭvajecca i ŭ prodaž nie traplaje.
Akramia bakłažanaŭ, u ciaplicach užo śpiejuć tamaty. Ich taksama sabrali kala dźviuch ton, a dalejšyja abjomy buduć pavialičvacca. Uradžaj zdymajuć niekalki razoŭ na tydzień. Vyroščvajuć jak daŭno viadomyja hatunki, naprykład «Tarera», tak i novyja — «Ksantera» i «Siekurytas».
Taksama paviedamlajecca, što prykładna da 20 krasavika čakajecca pieršy ŭradžaj sałodkaha piercu.
Čytajcie taksama:
U Minsku pačnuć vyroščvać žoŭtyja i šakaładnyja tamaty
Śledam za ciapličnymi ahurkami pavialičać vytvorčaść i pamidoraŭ
«U śniežni vydatkavała na ježu 115 rubloŭ». Jak biełarusy ekanomiać u kramach