U Słavienii prarasijskaha palityka abrali śpikieram parłamienta
Śpikieram parłamienta Słavienii staŭ lidar prarasijskaj antysistemnaj partyi Resni.ca Zoran Stevanavič. Za jaho kandydaturu prahałasavali 48 deputataŭ z 90. Abrańnie hetaha palityka moža ŭskładnić farmiravańnie ŭrada dla dziejnaha premjer-ministra Robierta Hołaba, piša «Jeŭrapiejskaja praŭda».
Zoran Stevanavič
Sam Stevanavič zajaviŭ, što nie płanuje ŭvachodzić u kaalicyju ni z Hołabam, ni ź jaho hałoŭnym palityčnym supiernikam — pravakansiervataram Janiezam Janšam. Adnak ličycca, što jahonaja partyja ŭsio ž bližejšaja mienavita da Janšy.
Prezidentka krainy Nataša Pirc Musar pavinna daručyć farmiravańnie ŭrada tamu palityku, jaki zmoža sabrać nie mienš za 46 hałasoŭ padtrymki. Na heta ŭ jaje jość 30 dzion.
Pakul Hołab nie zmoh damovicca ź inšymi partyjami, kab sabrać nieabchodnuju bolšaść. Dla stvareńnia ŭrada jamu treba zaručycca padtrymkaj jak minimum troch palityčnych sił.
Situacyja ŭskładniajecca i tym, što ŭ parłamient prajšło adrazu niekalki partyj, i raskład sił zastajecca vielmi razdrobnienym. Akramia taho, vybary supravadžalisia skandałam: źjavilisia abvinavačańni, što kamanda Janšy mahła być źviazanaja ź infarmacyjnaj kampanijaj suprać Hołaba z udziełam pryvatnaj raźviedvalnaj kampanii.
U vyniku palityčnaja situacyja ŭ Słavienii zastajecca niestabilnaj, i farmiravańnie novaha ŭrada moža zaciahnucca.
Čytajcie taksama:
U Słavienii ŭviali abmiežavańni na prodaž bienzinu na zapraŭkach
Tramp paabiacaŭ Vienhryi roskvit, kali va ŭładzie zastaniecca Orban
Vienhryja i Rasija ŭ kancy minułaha hoda ŭzhadnili 12 punktaŭ dalejšaha zbližeńnia