U Irłandyi mužčyna ź siakieraj atakavaŭ amierykanski vajskovy samalot VIDEA
U irłandskim aeraporcie Šenan nieviadomy prabraŭsia na amierykanski transpartny samalot C-130 i pačaŭ bić jaho siakieraj.
Skrynšot ź videa
Irłandskaja palicyja paviedamiła, što mužčyna ŭzrostam bolš za 40 hadoŭ pranik u «zabaronienuju zonu aeraporta Šenan» u hrafstvie Kłer 11 krasavika ranicaj.
Na kadrach u sacyjalnych sietkach vidać, jak mužčyna załazić na vialiki vajskova-transpartny samalot i nanosić udary pa kryle.
Zatrymać mužčynu atrymałasia nie adrazu: miascovym siłavikam pryjšłosia padhaniać mabilny trap i padymacca na bort. Parušalnik za hety čas paśpieŭ paškodzić korpus. Praca aeraporta spyniałasia na 25 chvilin.
U zajavie palicyi havorycca:
«Mužčyna va ŭzroście za 40 hadoŭ byŭ aryštavany palicyjaj za mierkavanaje kryminalnaje paškodžańnie majomaści niezadoŭha da 11 hadzin ranicy. Ciapier jon zatrymany ŭ adpaviednaści z raździełam 4 Zakona ab kryminalnym pravasudździ 1984 hoda ŭ palicejskim učastku dyvizijona Kłer-Typierery».
Jon moža ŭtrymlivacca pad vartaj da 24 hadzin, nie ličačy pierapynkaŭ. Jak jon uvohule trapiŭ da vajskovaha samalota — pakul nieviadoma.
Čytajcie taksama:
Tramp paabiacaŭ adnavić masavanyja abstreły Irana ŭ vypadku nievykanańnia sapraŭdnaha pahadnieńnia