DTZ u Tałačynie: kiroŭca źbiŭ piensijanierku na parkoŭcy i źjechaŭ
U Tałačynie 10 krasavika adbyŭsia najezd na piešachoda, paśla jakoha kiroŭca kinuŭ jaho biez dapamohi.
61‑hadovy kiroŭca aŭtamabila Audi A3, vyjazdžajučy zadnim chodam z parkoŭki pa vulicy Vaładarskaha, nie zaŭvažyŭ piešachoda. Pad koły trapiła 77‑hadovaja žančyna.
Paśla najezdu mašyna na imhnieńnie prytarmaziła, ale kiroŭca nie vyjšaŭ z sałona. Zamiest hetaha jon pieraklučyŭ pieradaču i pajechaŭ napierad, pakinuŭšy paciarpiełuju lažać na darozie biez dapamohi.
Žančynu dastavili ŭ reanimacyju ź ciažkimi traŭmami.
Supracoŭniki DAI vyličyli i zatrymali parušalnika.