Bialacki raskazaŭ pra adziny list ad dziaržorhanaŭ, dzie jamu paviedamili pra Nobieleŭskuju premiju — ad padatkovaj
«Jak vy źbirajeciesia płacić padatki?»
Fota: telehram-kanał «Viasny»
Zasnavalnik pravaabarončaha centra «Viasna» Aleś Bialacki raskazaŭ u jutub-pieradačy «ČastnOK-LIVE», jak u źniavoleńni paśla prysudžeńnia jamu Nobieleŭskaj premii atrymaŭ list ad dziaržorhanaŭ.
«Pryjšoŭ list z padatkovaj Pieršamajskaha rajona, dzie ja staju na ŭliku. I tam było napisana: «My daviedalisia, što vy atrymali Nobieleŭskuju premiju. Jak vy źbirajeciesia płacić padatki? Dobra, kab vy ich vypłacili». I hetak dalej.
Adnym słovam, heta byŭ adziny aficyjny list, u jakim ja daviedaŭsia pra toje, što ja nobieleŭski łaŭreat. Bolš nijakich papier mnie nie prapuskali».
Pra Nobieleŭku Bialackamu raskazali pieršymi inšyja źniavolenyja na kalidory SIZA. A praź niekalki chvilin paćvierdziła na sustrečy advakatka.
Bialacki padzialiŭsia ŭ pieradačy taksama, što maje niekalki tatu pa eskizach mastaka Alesia Puškina, jaki pamior u źniavoleńni.