U Vienhryi abvieščany vyniki padliku 98,9% hałasoŭ

Apazicyjnaja partyja «Cisa» nabiraje 53,07% hałasoŭ i 138 miescaŭ u parłamiencie Vienhryi, vynikaje z papiarednich vynikaŭ padliku, paviedamlaje Telex.

Sean Gallup / Getty Images

Kiroŭny aljans FIDES—VDNP atrymlivaje 55 miescaŭ (38,43%), ultrapravaja «Naša kraina» — 6 (5,83%). Premjer-ministr Vienhryi Viktar Orban pryznaŭ parazu i paabiacaŭ «nie zdavacca».

Partyja «Cisa» zavajavała kanstytucyjnuju bolšaść u parłamiencie Vienhryi pa vynikach vybaraŭ. Orban, jaki zajmaŭ pasadu premjera z 2010 hoda, pavinien budzie pakinuć jaje.

Lidar «Cisy» Pieter Madźjar zaklikaŭ Orbana nie prymać rašeńniaŭ, jakija mahli b pieraškodzić dalejšaj dziejnaści partyi. 

Dziaržaŭny schod Vienhryi abirajecca pa źmiešanaj sistemie: 106 miescaŭ raźmiarkoŭvajucca ŭ adnamandytnych akruhach pa mažarytarnym pryncypie (heta značyć dla pieramohi dastatkova adnosnaj bolšaści hałasoŭ), 93 — pa partyjnych śpisach u ahulnanacyjanalnaj akruzie pa praparcyjanalnaj sistemie.

Kamientary da artykuła