U Vilejcy na Vialikdzień častavavali pirahom-tortam vahoj 120 kiłahramaŭ
Na pravasłaŭny Vialikdzień u chramie Śviatoha Cichana ŭ Vilejcy prychadžan i haściej pačastavali niezvyčajnaj stravaj, paviedamlajuć VileykaNews.
Fota: VileykaNews, Threads
Tut śpiakli piroh vahoj 120 kiłahramaŭ.
Nie zabylisia i ŭpryhožyć pačastunak, raźmiaściŭšy na im cełuju kampazicyju: anioły, nadpisy, navat znajšłosia miesca dla Ziamli.
Hetaj tradycyi ŭ Vilejcy ŭžo 34 hady. Kožny Vialikdzień u chramie Śviatoha Cichana piakuć vializny piroh i častujuć im usich žadajučych.
Fota: VileykaNews, Threads
Na vyrab spatrebiłasia niekalki dziasiatkaŭ kiłahramaŭ muki, sotni jajek, dziasiatki litraŭ małaka i stolki ž śmietankovaha masła, a taksama marharyn, zhuščanaje małako, cukar, čarnaśliŭ i arechi.
Fota: VileykaNews, Threads
Nad stvareńniem łasunku pracavali try dni až da ranicy Vialikadnia.
Fota: VileykaNews, Threads