Papa Leŭ XIV adkazaŭ Trampu
Jon admoviŭsia spračacca, ale nahadaŭ viadomyja słovy ź Jevanhiella.
Papa Leŭ XIV. Fota: Stefano Costantino / SOPA Images / LightRocket via Getty Images
Papa Leŭ XIV u razmovie z Reuters adkazaŭ na krytyku prezidenta ZŠA Donalda Trampa.
— Ja nie chaču ź im spračacca, — skazaŭ Papa, kamientujučy post Trampa, jaki zajaviŭ, u tym liku, što «nie choča Papy, jaki ličyć narmalnym, kab Iran mieŭ jadziernuju zbroju».
— U siońniašnim śviecie pakutuje nadta šmat ludziej. Hinie nadta šmat biaźvinnych ludziej. Ja liču, što niechta pavinien uźnimać hołas i kazać, što isnuje lepšy vychad. Pasłańnie Kaścioła, majo pasłańnie, pasłańnie Jevanhiella: «ščaślivyja miratvorcy», — skazaŭ Leŭ XIV.
Papa dadaŭ, jon nie razhladaje svaju rolu jak rolu palityka.
— Ja budu i dalej hučna vystupać suprać vajny i staracca sadziejničać miru, — zajaviŭ jon.