MAZ pradstaviŭ u Rasii łakalizavanuju viersiju kitajskaha hruzavika
Minski aŭtamabilny zavod pradstaviŭ u Rasii novyja siarednietanažnyja hruzaviki sieryi MAZ-365. Prezientacyja adbyłasia ŭ Rastovie-na-Donie na sustrečy z dylerami. Hetyja mašyny źjaŭlajucca adaptavanaj pad miascovuju vytvorčaść viersijaj kitajskaha hruzavika Weichai Landking, piša Office Life.
Fota: telehram-kanał «Avtopotok»
Vytvorčaść hetych hruzavikoŭ ciapier naładžanaja ŭ Biełarusi: kabiny zvarvajuć i farbujuć na miescy, a taksama vykarystoŭvajuć šmat ajčynnych kamplektujučych. U hruzavikach staviać ruchaviki biełaruskaj vytvorčaści, karobki pieradač ź Minska, šyny z Babrujska, a taksama inšyja detali, zroblenyja ŭ krainie.
Pakul u liniejcy dźvie madeli. Pieršaja — hruzavik masaj 8 ton, jaki moža pieravozić krychu bolš za 5 ton hruzu i abstalavany turbadyzielem z aŭtamatyčnaj karobkaj. Druhaja — bolš ciažkaja viersija na 10 ton z bolšaj hruzapadymalnaściu i miechaničnaj karobkaj pieradač. Abiedźvie madeli buduć pradavacca na rasijskim rynku.
Paźniej płanujuć dadać jašče adnu madyfikacyju na 12 ton.
Čytajcie taksama:
BiełAZ pačaŭ vyprabavańnie bieśpiłotnych samazvałaŭ
200 zvankoŭ za dźvie hadziny! Na aŭtadom ad MAZa sapraŭdny ažyjataž