Tramp pryhraziŭ tapić iranskija sudny, jakija jašče nie lažać na dnie mora
Prezident ZŠA Donald Tramp prystrašyŭ źniščać iranskija karabli, kali jany buduć zaminać amierykanskaj błakadzie Armuzskaha praliva.
Donald Tramp. Fota: Alex Brandon-Pool/Getty Images
«Vajskova-marski fłot Irana lažyć na dnie mora, całkam źniščany — 158 karabloŭ. Toje, što my nie źniščyli, — heta ich nievialikaja kolkaść tak zvanych «chutkachodnych udarnych karabloŭ», pakolki my nie ličyli ich surjoznaj pahrozaj. Papiaredžańnie: kali jaki-niebudź z hetych karabloŭ nablizicca da našaj błakady, jon budzie nieadkładna źniščany z vykarystańniem toj ža sistemy likvidacyi, jakuju my ŭžyvajem suprać narkahandlaroŭ na łodkach u mory. Heta chutka i žorstka», — napisaŭ Tramp u sacsietcy Truth Social.
12 krasavika Tramp abviaściŭ, što ZŠA pačnuć błakadu Armuzskaha praliva paśla pravału pieramoŭ ZŠA i Irana.
Čytajcie taksama:
Tramp abrynuŭsia z krytykaj na Papu
Były kiraŭnik CRU zaklikaŭ adchilić Trampa ad pasady prezidenta
ZŠA pačnuć błakadu iranskich partoŭ siońnia
Bieły dom abmiarkoŭvaje adnaŭleńnie ŭdaraŭ pa Iranie paśla zryvu mirnych pieramoŭ