Uviali zabaronu na vyłaŭ sudaka

U Biełarusi z 15 krasavika ŭvodzicca zabarona na vyłaŭ sudaka. Pra heta paviedamiła Dziaržaŭnaja inśpiekcyja achovy žyviolnaha i raślinnaha śvietu.

Sudak. Fota: Wikimedia Commons

Abmiežavańnie budzie dziejničać z 15 krasavika da 30 maja i ŭviedzienaje dla taho, kab zachavać papulacyju sudaka i stvaryć spryjalnyja ŭmovy dla jaho razmnažeńnia ŭ vadajomach krainy.

U hety pieryjad łavić sudaka całkam zabaroniena. Kali rybina ŭsio ž trapiłasia ŭ sietku abo na kručok, jaje nieabchodna adpuścić nazad u vadu.

Za parušeńnie zabarony praduhledžana administracyjnaja adkaznaść: štraf ad 10 da 30 bazavych adzinak (adna bazavaja adzinka składaje 45 rubloŭ), a taksama dadatkovaja kampiensacyja — 18 bazavych za kožnuju niezakonna vyłaŭlenuju rybu.

Kali škoda pryrodzie pieravysić 100 bazavych adzinak, moža być užo i kryminalnaja adkaznaść.

U inśpiekcyi taksama zaklikajuć hramadzian paviedamlać pra fakty parušeńniaŭ u adpaviednyja orhany abo pa telefonach davieru.

Kamientary da artykuła