U Minsku šukajuć padletka sa złamanaj rukoj
Ranicaj 15 krasavika ŭ Partyzanskim rajonie Minska źnik padletak. Jon vyjšaŭ z domu ŭ pramiežku z 8 da 10 hadzin, ale da škoły tak i nie dajšoŭ.
Da ciapierašniaha času jaho miescaznachodžańnie nie ŭstanoŭlena, paviedamlaje «Anioł».
Padletka zavuć Maksim Kuraš, jamu 15 hadoŭ. Jak paviedamlajuć znajomyja, jon vučycca ŭ siaredniaj škole №85 h. Minska. Prykmiety: rost 150—155 santymietraŭ, chudarlavaha ciełaskładu, vočy šera-błakitnyja, vałasy rusyja.
U chłopca hips na levaj ruce.
Jon byŭ apranuty ŭ čornuju kurtku i čornyja krasoŭki, inšyja elemienty adzieńnia pakul udakładniajucca.
Viadoma, što jon moža pieramiaščacca na hramadskim transparcie.
Usich, chto vałodaje infarmacyjaj pra źnikłaha čałavieka, prosim paviedamić pa numarach telefonaŭ PVA «Anioł»: haračaja linija 7733 (dla ŭsich apierataraŭ sotavaj suviazi), +375 (33) 6666-033, +375 (29) 270- 77‑33 albo 102.