Rekanstrukcyja mosta kala Vilejki skončycca letam
Aŭtamabilny most kala Vilejki, jaki ŭžo kala hoda znachodzicca na rekanstrukcyi, płanujuć całkam dabudavać letam 2026 hoda, paviedamlaje Mintrans.
Fota: t.me/mintransbelarus
Ramontnyja raboty na abjekcie, raźmieščanym na darozie Minsk — Maładziečna — Narač, vykananyja prykładna na 80%. Most byŭ pastaŭleny na rekanstrukcyju jašče ŭ sakaviku 2025 hoda, a adkryć ruch pa im płanujuć u vieraśni hetaha hoda.
Na siońnia budaŭniki ŭžo ŭstalavali asnoŭnuju kanstrukcyju pralotaŭ i ciapier zajmajucca mantažom mastavoha pakryćcia. Napieradzie — raboty hidraizalacyi, stvareńnia vyraŭnoŭvalnaha słoja i ŭstalavańni aharodžaŭ.
Fota: t.me/mintransbelarus
Paśla rekanstrukcyi prajeznaja častka mosta budzie mieć šyryniu kala vaśmi mietraŭ. Taksama z abodvuch bakoŭ zrobiać piešachodnyja ściežki, a z adnaho boku źjavicca i vieładarožka.
Sam most praz raku Viliju byŭ pabudavany jašče ŭ 1959 hodzie i niekalki hadoŭ tamu byŭ pryznany avaryjnym, tamu jaho ŭklučyli ŭ śpis abjektaŭ, jakija patrabujuć terminovaha ramontu.
Čytajcie taksama:
U hetym hodzie da Dnia Pieramohi ŭ Hrodnie buduć farsiravać Nioman
Na trasie M1 uklučyli ekśpierymientalnuju sistemu łazieraŭ dla kiroŭcaŭ