U hetym hodzie da Dnia Pieramohi ŭ Hrodnie buduć farsiravać Nioman
Staršynia Hrodzienskaha abłvykankama Juryj Karajeŭ nie škaduje hrošaj dla maštabnych rekanstrukcyj. Letaś u Hrodnie šturmavali Dom kultury tekstylščykaŭ jak Rejchstah, u hetym hodzie zapłanavali brać Nioman.
Jak paviedamlaje pres-słužba Hrodzienskaha abłvykankama, 10 maja kala Staroha mosta ŭ Hrodnie projdzie maštabnaja rekanstrukcyja vyzvaleńnia horada z farsiravańniem raki Nioman.
«Rekanstrukcyju pierapravy praz raku i šturm asadžanaha niamiecka-fašysckimi zachopnikami horada pakažuć udzielniki Biełaruskaha vajenna-histaryčnaha kłubnaha abjadnańnia «Honar mundzira». U minułym hodzie mienavita jany pravodzili ŭ Hrodnie jarkija rekanstrukcyi ŭziaćcia Rejchstaha i vyzvaleńnia horada ŭ Šviejcarskaj dalinie», — paviedamlaje kanał.
Dniami Juryj Karajeŭ paviedamiŭ, što maryć zładzić šturm Mirskaha zamka manhoła-tatarami. Jaho nie biantežyć, što zamak byŭ pabudavany ŭ pačatku XVI stahodździa, a tatar i kryžakoŭ Vialikaje Kniastva Litoŭskaje raźbiła hadoŭ na sto raniej, pad Sinimi Vodami i Hrunvaldam.
Kamientary