U Tuapse paśla ataki dronaŭ haryć miascovy NPZ, jość achviary
Nočču na 16 krasavika ŭ Krasnadarskim krai adbyłasia maštabnaja ataka dronaŭ. Pavodle paviedamleńniaŭ miascovych žycharoŭ i manitorynhavych resursaŭ, u Tuapse paśla sieryi vybuchaŭ na NPZ pačaŭsia mocny pažar.
OSINT-analityki pišuć, što ahniom achopleny Tuapsinski naftapierapracoŭčy zavod, jaki naležyć kampanii «Rasnafta». Vidavočcy publikujuć kadry dymu, jaki bačny za kiłamietry ad pradpryjemstva.
Hety zavod źjaŭlajecca častkaj adzinaha kompleksu z bujnym marskim terminałam. Praź jaho iduć maštabnyja pastaŭki naftapraduktaŭ na ekspart, što robić jaho klučavym vuzłom dla ekanomiki rehijona.
Hubiernatar rehijona Siarhiej Bojka paviedamiŭ, što ŭ vyniku ataki zahinuli dvoje dziaciej, jašče dvoje darosłych paranienyja. U horadzie admianili zaniatki va ŭsich navučalnych ustanovach.