Telefonnych machlaroŭ kuryravaŭ kryminalny aŭtarytet rodam z Asipovičaŭ
U Minsku zatrymali troch mužčyn, jakija raniej mieli sudzimaści i byli źviazanyja z telefonnym machlarstvam. Jak śćviardžajecca, kiraŭnikom hrupy byŭ 44‑hadovy ŭradženiec Asipovičaŭ, jakoha pres-słužba MUS nazyvaje kryminalnym aŭtarytetam.
Skrynšot ź videa
Ad dziejańniaŭ machlaroŭ paciarpieła 77‑hadovaja žančyna — u jaje vymanili bolš za 40 tysiač rubloŭ.
Padčas pieratrusaŭ u zatrymanych znajšli bolš za 10 tysiač dalaraŭ, rečy, źviazanyja z złačynnaj dziejnaściu, a taksama vialikuju partyju zamiežnych cyharet bieź biełaruskich akcyznych marak.
Pa fakcie zaviali kryminalnuju spravu za machlarstva. Padazravanyja ŭziatyja pad vartu i znachodziacca ŭ śledčym izalatary.
Čytajcie taksama:
U Polščy zatrymali hrupu internet-machlaroŭ. Siarod ich — hramadzianin Biełarusi
Piensijanierka sa Žłobina lotała dvojčy za miažu, kab addać hrošy machlaram
Minčuk zabraŭ u padmanutych machlarami ludziej 70 tysiač dalaraŭ
Chłopiec prajhraŭ hrošy ŭ kazino, a mamie skazaŭ, što staŭ achviaraj machlaroŭ