Тэлефонных махляроў курыраваў крымінальны аўтарытэт родам з Асіповічаў
У Мінску затрымалі трох мужчын, якія раней мелі судзімасці і былі звязаныя з тэлефонным махлярствам. Як сцвярджаецца, кіраўніком групы быў 44‑гадовы ўраджэнец Асіповічаў, якога прэс-служба МУС называе крымінальным аўтарытэтам.
Скрыншот з відэа
Ад дзеянняў махляроў пацярпела 77‑гадовая жанчына — у яе выманілі больш за 40 тысяч рублёў.
Падчас ператрусаў у затрыманых знайшлі больш за 10 тысяч даляраў, рэчы, звязаныя з злачыннай дзейнасцю, а таксама вялікую партыю замежных цыгарэт без беларускіх акцызных марак.
Па факце завялі крымінальную справу за махлярства. Падазраваныя ўзятыя пад варту і знаходзяцца ў следчым ізалятары.
Чытайце таксама:
У Польшчы затрымалі групу інтэрнэт-махляроў. Сярод іх — грамадзянін Беларусі
Пенсіянерка са Жлобіна лётала двойчы за мяжу, каб аддаць грошы махлярам
Мінчук забраў у падманутых махлярамі людзей 70 тысяч даляраў
Хлопец прайграў грошы ў казіно, а маме сказаў, што стаў ахвярай махляроў