U Homieli na nabiarežnaj raśćvili mahnolii, jakija źbirali pa ŭsioj Biełarusi FOTAFAKT

Mahnolii, jakija źbirali pa ŭsioj Biełarusi i vysadzili na nabiarežnaj Soža, pieražyli surovuju zimu i raskvitnieli, paviedamlaje vydańnie «Mocnyja naviny».

Stvaralniki hetaj pryhažości natchnialisia cudoŭnymi mahnolijevymi sadami ŭ Italii, dzie turysty špacyrujuć pa alejach pad jarka-čyrvonymi i malinavymi butonami. Letaś raśliny pasadzili kala homielskaha restarana «Pravans», a krychu paźniej pobač pastavili areli — chutka tut budzie karcinka, jak z Pinterest.

«U listapadzie pierad pachaładańniem dla kožnaj mahnolii zrabili zimovy damok sa spanbonda i siena. Pašancavała, što da mocnych marazoŭ vypaŭ śnieh, jaho chapiła, kab prykryć drevy. Pierazimavali ŭsie 23 raśliny. Adrazu jak adtajała hleba ŭ krasaviku, mahnolii palili ŭhnajeńniem — da pačatku aktyŭnaha rostu i ćvicieńnia, kab zabiaśpiečyć pryrost parastkaŭ», — raskazaŭ «Mocnym navinam» zasnavalnik restaracyi, jaki razam z žonkaj sabraŭ pa ŭsioj krainie mahnolii i vysadziŭ kala Soža.

Kamientary da artykuła