Hramadzianin Łatvii sprabavaŭ pravieźci ŭ Biełaruś psichatropnyja tabletki
U punkcie propusku «Hryharoŭščyna» na biełaruska-łatvijskaj miažy viciebskija mytniki spynili sprobu niezakonnaha ŭvozu na terytoryju Biełarusi tabletak ź psichatropnymi rečyvami, paviedamlaje pres-słužba Dziaržaŭnaha mytnaha kamiteta.
Tabletki sprabavaŭ pravieźci hramadzianin Łatvii, jaki jechaŭ u jakaści pasažyra ŭ lehkavym aŭtamabili. Pra toje, što ŭ jaho mohuć być zabaronienyja rečyvy, śviedčyła reakcyja słužbovaha sabaki.
Padčas ahladu ŭ asabistych rečach mužčyny znajšli tabletki žoŭtaha i fijaletavaha koleraŭ — jany byli schavanyja ŭ brełoku-tubusie i ŭ słoičku z nadpisam «Multyvitaminy».
Ekśpierty ŭstanavili, što ŭ składzie hetych tabletak jość niebiaśpiečnyja psichatropnyja rečyvy — tramadoł i alprazałam.
Suprać mužčyny raspačali kryminalnuju spravu. Jamu moža pahražać pakarańnie da siami hadoŭ pazbaŭleńnia voli.
Čytajcie taksama:
Kiroŭca aŭtobusa sprabavaŭ uvieźci ŭ Biełaruś narkotyki pad vyhladam kansiervaŭ
18‑hadovaja dziaŭčyna ŭ Breście pamierła ad pieradaziroŭki, było vyjaŭlena vosiem narkotykaŭ
U Minsku mužčyna pierakuliŭ u kramie dźvie skrynki vina, ale sudzić jaho buduć nie za heta
Minčanku zatrymali na dachu hmachu. Ale heta była pałova biady