U Minsku mužčyna pierakuliŭ u kramie dźvie skrynki vina, ale sudzić jaho buduć nie za heta
U Minsku nakiravali ŭ sud kryminalnuju spravu suprać 52‑hadovaha žychara stalicy, jakoha abvinavačvajuć u niezakonnym zachoŭvańni narkatyčnych rečyvaŭ biez mety zbytu, piša ahienctva «Minsk-Naviny».
Jak paviedamlaje prakuratura Frunzienskaha rajona, mužčyna ŭ toj dzień doma raśpivaŭ harełku sa svajoj sužycielkaj. Kali ałkahol skončyŭsia, jon pajšoŭ u kramu na vulicy Dunina-Marcinkieviča.
U handlovaj zale mužčyna straciŭ raŭnavahu i ŭpaŭ, u vyniku čaho skinuŭ z palic i raźbiŭ dźvie skrynki vina — niekalki butelek raźlacielisia na padłohu. Achova zaviała jaho ŭ słužbovaje pamiaškańnie, paśla čaho na miesca prybyli supracoŭniki milicyi.
Padčas asabistaha dahladu ŭ mužčyny znajšli prystasavańnie dla kureńnia i pakiet z raślinnym rečyvam. Ekśpiertyza paćvierdziła, što heta marychuana vahoj 0,68 hrama.
Sam mužčyna śćviardžaŭ, što nibyta znajšoŭ hetyja rečy padčas prybirańnia terytoryi i źbiraŭsia ich prosta pakinuć sabie, ale nie paśpieŭ vykarystać. Adnak ekśpierty adznačyli, što jon byŭ u stanie ałkaholnaha apjanieńnia i moh znachodzicca taksama pad uździejańniem psichaaktyŭnych rečyvaŭ.
Pry hetym vyśvietliłasia, što jon raniej užo mieŭ sudzimaści (ciapier pahašanyja) i pracuje stropalščykam. U vyniku jamu vystaŭlena abvinavačańnie pavodle artykuła za niezakonnaje zachoŭvańnie narkotykaŭ biez mety zbytu.
Mužčynu pryznačyli mieru strymańnia ŭ vyhladzie padpiski ab niavyjeździe, a taksama adznačyli, što jamu moža spatrebicca prymusovaje lačeńnie ad chraničnaha ałkahalizmu.
Kamientary