Tramp paviedamiŭ, što zabaraniŭ Izrailu bić pa Livanie
Prezident ZŠA Donald Tramp zajaviŭ, što Izrail bolš nie budzie nanosić udary pa Livanie, bo Złučanyja Štaty nibyta zabaranili jamu heta rabić. Pavodle jaho słoŭ, hetaje rašeńnie ŭžo daviedziena da izrailskaha boku.
Premjer-ministr Izraila Bińjamin Nietańjachu i prezident ZŠA Donald Tramp. Fota: Chip Somodevilla/Getty Images
«ZŠA buduć asobna pracavać ź Livanam i vyrašać prablemu z «Chiezbałoj». Izrail bolš nie budzie bambić Livan — ZŠA im heta ZABARANILI. Dosyć!», — napisaŭ Donald Tramp u sacyjalnaj sietcy Truth Social.
Heta zajava była zroblena na fonie šyrejšaj situacyi vakoł rehijona i pieramoŭ ź Iranam. Tramp padkreśliŭ, što spynieńnie ahniu ŭ Livanie nie budzie častkaj mahčymaj damovy pamiž Vašynhtonam i Tehieranam.
Raniej paviedamlałasia pra damoŭlenaść Izraila i Livana ab 10‑dzionnym spynieńni ahniu, adnak paśla hetaha baki ŭžo abvinavačvali adzin adnaho ŭ parušeńniach damoŭlenaściaŭ.
Pavodle infarmacyi livanskaha Ministerstva achovy zdaroŭja, z pačatku sakavika ŭ vyniku bajavych dziejańniaŭ u krainie zahinuli bolš za dźvie tysiačy čałaviek, a zvyš miljona žycharoŭ byli vymušanyja pakinuć svaje damy. Izrail zajaŭlaje, što ŭsie jaho dziejańni nakiravanyja na źniščeńnie prairanskaj hrupoŭki «Chiezbała».
Čytajcie taksama:
Iran na 10 dzion adkryŭ Armuzski praliŭ dla ŭsich sudnaŭ. Ceny na naftu palacieli ŭniz
Tramp davioŭ kolkaść spynienych vojnaŭ da dziesiaci
Tramp anansavaŭ pieršyja za 34 hady pieramovy Izraila i Livana
Iran patrabuje dla pačatku pieramoŭ z ZŠA spynić ahoń u Livanie i razbłakavać iranskija aktyvy