Biełaruska vypuściła knihu, jakaja znajomić z historyjaj mastactva praz katoŭ
U hetaj knizie šedeŭry mastactva padajucca ŭ dźviuch viersijach — aryhinalnaj i kacinaj, piša Reform.news.
Kniha mastački Julii Stratovič Cat Art Story dapamahaje dzieciam i darosłym u lohkaj, hulniavoj formie paznajomicca ź viadomymi tvorami suśvietnaha mastactva — ad dahistaryčnych naskalnych malunkaŭ da simvalizmu, ubačyć aŭtarskija interpretacyi praz katoŭ i vykanać dadatkovyja zadańni dla bolšaj uciahnutaści.
Julija Stratovič naradziłasia ŭ Biełarusi ŭ siamji mastakoŭ. Z rańniaha ŭzrostu jana była akružanaja mastactvam i pačała malavać žyvioł — tema, jakaja supravadžaje jaje tvorčaść da siońnia.
Julija žyvie ŭ Varšavie, dzie niekalki hadoŭ kiravała ŭłasnaj halerejaj i praciahvaje rehularna pradstaŭlać svaje pracy ŭ Jeŭropie. Akramia mastackaj praktyki, jakaja ŭklučaje žyvapis, instalacyi i kino, jana taksama arhanizuje lekcyi pa historyi mastactva.
U knizie dastupnyja dvuchmoŭnyja viersii: anhlijska-biełaruskaja; anhlijska-ispanskaja i anhlijska-polskaja.
Knihu ŭžo možna zakazać na Amazon.
Čytajcie taksama:
Pierakładčyca ramana «Pa što idzieš, voŭča?» na litoŭskuju movu atrymała za heta prestyžnuju premiju
Alaksandr Łukašuk vydaŭ knihu z «radkami i ryfmami roznych hadoŭ»
Vyjšła novaje vydańnie «Imionaŭ Svabody» Uładzimira Arłova
Apaviadańni Niaklajeva vychodziać knihami na polskaj i biełaruskaj movach