Na viciebskaj Ratušy pastavili skulpturu pažarnika FOTY

U Viciebsku na Ratušy źjaviłasia novaja haradskaja skulptura — fihurka pažarnika-naziralnika. Jaje pastavili na ahladnaj placoŭcy viežy, pišuć «Vitiebskije viesti».

Miesca dla raźmiaščeńnia skulptury vybrali nie vypadkova. U XIX stahodździ i da pačatku XX stahodździa Ratuša vykarystoŭvałasia jak pažarny naziralny punkt. Tam kruhłasutačna dziažuryŭ čałaviek, jaki sačyŭ za horadam, kab svoječasova zaŭvažyć dym abo ahoń. Heta było asabliva važna, bo ŭ toj čas bolšaść budynkaŭ u Viciebsku byli draŭlanyja, i pažary mahli chutka raspaŭsiudžvacca.

Minijaciurny vobraz pažarnika stvaryŭ skulptar Siarhiej Sotnikaŭ.

Heta ŭžo piataja minijaciurnaja skulptura, ustanoŭlenaja ŭ Viciebsku ŭ miežach śpiecyjalnaha haradskoha prajekta, jaki pačaŭsia ŭ 2025 hodzie. Raniej u horadzie źjavilisia inšyja fihurki, u tym liku zakachanaja para na Puškinskim moście, a taksama piersanažy «Zachavalnik historyi», «Fatohraf» i «Mastak» u histaryčnym centry.

Kamientary da artykuła