U Livanie zahinuŭ francuzski vajskoviec ź miratvorčaj misii

Francuzski vajskoviec ź miratvorčaj misii AAN zahinuŭ na poŭdni Livana padčas napadu na miratvorcaŭ. Pra heta paviedamiŭ prezident Francyi Emanuel Makron, jaki ŭskłaŭ adkaznaść za zdareńnie na ruch «Chiezbała», piša Euronews.

Zdymak ilustracyjny. Fota: AP Photo/Bilal Hussein

Pa słovach Makrona, zahinuŭ staršy siaržant Fłaryjan Mantarjo, a jašče troje vajskoŭcaŭ byli paranienyja i evakujavanyja. Francyja patrabuje ad livanskich uładaŭ znajści vinavatych i pakarać ich.

Incydent adbyŭsia na fonie niadaŭna abvieščanaha pieramirja pamiž Izrailem i «Chiezbałoj» i moža pahoršyć situacyju na poŭdni Livana. Prezident Livana Žazef Aun raniej zajaŭlaŭ pra mahčymy novy etap mirnych damoŭlenaściaŭ i pierachod da stabilnaści paśla spynieńnia ahniu.

Adnak pazicyi bakoŭ zastajucca roznymi: ułady Livana kažuć pra imknieńnie da miru i suvierenitetu, a «Chiezbała» krytykuje damoŭlenaści i nazyvaje ich sastupkaj.

Na fonie kanfliktu ŭžo zahinuli tysiačy ludziej, a sotni tysiač byli vymušanyja pakinuć svaje damy. Situacyja zastajecca napružanaj, a mižnarodnaja supolnaść baicca novaj eskałacyi.

Kamientary da artykuła