Dolu dziaržavy pavialičyli ŭ piaci bujnych kampanijach
Urad Biełarusi pryniaŭ rašeńnie pavialičyć dolu dziaržavy adrazu ŭ piaci bujnych kampanijach. Pastanovu №192 ad 17 krasavika 2026 hoda apublikavali na Nacyjanalnym pravavym partale.
Zdymak ilustracyjny
Havorka idzie pra takija pradpryjemstvy, jak «Homielškło», «Kryčaŭcemientnašyfier», «Ivacevičdreŭ», «Biełaruski cemientny zavod» i «Śvietłahorski celułozna-kardonny kambinat».
Pavieličeńnie doli dziaržavy adbyvajecca za košt dziaržaŭnaj padtrymki, jakaja była vydzielena z respublikanskaha biudžetu ŭ 2025 hodzie. Faktyčna heta aznačaje, što častka akcyj u hetych kampanijach pierachodzić pad bolšy dziaržaŭny kantrol.
Zhodna z pastanovaj, adkaznyja orhany pavinny da 1 vieraśnia 2026 hoda aformić usie pracedury pieradačy akcyj u dziaržaŭnuju ŭłasnaść.
Takim čynam, dziaržava ŭzmacniaje svaju prysutnaść u šerahu klučavych pramysłovych pradpryjemstvaŭ krainy, u tym liku ŭ halinie budaŭničych materyjałaŭ, drevaapracoŭki i celułozna-papiarovaj vytvorčaści.
Čytajcie taksama:
«Homsielmaš» biare kurs na bieśpiłotnyja kambajny
«Biełšyna» prosić abaranić jaje ad kankurencyi z boku kitajcaŭ