Padčas aŭtahonki ŭ Hiermanii sutyknulisia siem mašyn, adzin piłot zahinuŭ
Padčas kvalifikacyjnaha zajezdu prestyžnych honak «24 hadziny Niurburhrynha» ŭ Hiermanii adbyłasia surjoznaja avaryja z udziełam siami aŭtamabilaŭ. Jana mieła trahičny vynik.
Fota: is.fi
Praz prykładna 25 chvilin paśla pačatku zajezdu na adnym z pavarotaŭ adbyłosia masavaje sutyknieńnie z udziełam siami mašyn. U vyniku arhanizatary spynili honku čyrvonymi ściažkami.
Mašyny atrymali nastolki mocnyja paškodžańni, što niekatoryja ź ich daviałosia razrazać, kab dastać honščykaŭ.
Usie ŭdzielniki avaryi byli špitalizavanyja. Paźniej stała viadoma, što 66‑hadovy finski honščyk Jucha Mijecinien zahinuŭ ad atrymanych traŭmaŭ — u jahony aŭtamabil reznuŭsia inšy z boku dźviarej, i ŭdar akazaŭsia śmiarotnym.
Jucha Mijecinien. Fota: racingnews365.com
Astatnija šeść honščykaŭ atrymali lohkija traŭmy i znachodziacca pad nahladam miedykaŭ, ich žyćciu ničoha nie pahražaje.