Pad Mahilovam pjany mužčyna napaŭ u kramie z nažom na padletkaŭ
Kanflikt pamiž miascovym žycharom i kampanijaj moładzi adbyŭsia ŭviečary 18 krasavika ŭ ahraharadku Viejna Mahiloŭskaha rajona, paviedamlaje pres-słužba MUS.
Skrynšot ź videa
63‑hadovy mužčyna byŭ niezadavoleny šumnymi pavodzinami padletkaŭ. Svarka pierarasła ŭ sutyčku, jakaja praciahnułasia ŭ kramie, jakaja znachodziłasia niepadalok. Tam mužčyna dastaŭ nož i pačaŭ pahražać maładym ludziam.
Padletkam udałosia vybić nož ź jaho ruk, paśla čaho napadnik uciok. U vyniku incydentu lohkija parezy atrymali 18‑hadovy chłopiec i 16‑hadovaja dziaŭčyna.
Vidavočcy źviarnulisia da supracoŭnikaŭ DAI, jakija znachodzilisia pablizu. Milicyja chutka adreahavała i zatrymała padazravanaha.
Jak zaśviedčyŭ miedycynski ahlad, mužčyna byŭ u stanie mocnaha ałkaholnaha apjanieńnia — kala 2,5 pramile.