Minpryrody źbirajecca zabaranić u Biełarusi vytvorčaść płastykavych kvietak
Čym prapanujuć zamianić štučnyja kvietki na mohiłkach? Žyvymi kvietkami ŭ harškach, šmatletnikami ŭ hruncie, karlikavymi kustami, hazonnaj travoj ci viečnazialonymi chvajovymi drevami.
fota: LookByMedia
Z 2024 hoda kampanii i pradprymalniki, jakija vyrablajuć ci zavoziać u Biełaruś płastykavyja kvietki, abaviazany płacić za ich budučuju ŭtylizacyju (180 rubloŭ za tonu). Hetyja hrošy iduć na arhanizacyju zboru i biaśpiečnuju pierapracoŭku hetaha śmiećcia.
«Štučnyja kvietki raskładajucca na praciahu doŭhaha času, akazvajuć niehatyŭny ŭpłyŭ na navakolnaje asiarodździe, zabrudžvajuć hlebu i hruntavyja vody. Z metaj minimizacyi ŭtvareńnia adkidaŭ, dla jakich u krainie adsutničaje mahčymaść vykarystańnia i abiasškodžvańnia, stratehijaj pa abychodžańni z adchodami vytvorčaści i spažyvańnia praduhledžana ŭviadzieńnie abmiežavańniaŭ dla vytvorčaści i pastaŭki tavaraŭ, jakija ŭ vyniku pryvodziać da ŭtvareńnia takoha vidu adkidy», — raskazali karespandentu BiełTA ŭ Ministerstvie pryrodnych resursaŭ i achovy navakolnaha asiarodździa
Akramia taho, Minpryrody viadzie raboty pa padrychtoŭcy Ekałahičnaha kodeksa. Adna ź jaho met — zabaranić vytvorčaść peŭnych tavaraŭ, adkidy ad jakich składana ci niemahčyma pierapracavać.
Čynoŭniki źbirajucca ŭklučyć u hety śpis štučnyja płastykavyja kvietki.
Čym ža možna zamianić štučnyja kvietki na mohiłkach? Žyvymi kvietkami ŭ harškach, šmatletnikami ŭ hruncie, karlikavymi kustami, hazonnaj travoj ci viečnazialonymi chvajovymi drevami.