Tramp zajaviŭ, što nie choča padaŭžać pieramirje ź Iranam i čakaje bambardzirovak
«Vajskoŭcy rvucca ŭ boj».
Fota: AP Photo/Julia Demaree Nikhinson
Prezident ZŠA Donald Tramp zajaviŭ, što nie choča padaŭžać režym spynieńnia ahniu ź Iranam.
«Ja nie chaču hetaha rabić. U nas nie tak šmat času», — skazaŭ Tramp u intervju CNBC u aŭtorak.
Jon ličyć, što ZŠA ŭ vyniku atrymajuć «vydatnuju ździełku» ź Iranam.
Tramp zajaviŭ, što adnović ataki na Iran, kali ździełka z Tehieranam nie budzie zaklučana bližejšym časam.
«Ja čakaju, što buduć bambardziroŭki, bo liču, što z takoj pazicyjaj lepš iści na pieramovy. Ale my hatovyja dziejničać. Ja maju na ŭvazie, što vajskoŭcy rvucca ŭ boj», — skazaŭ jon.