«Hetyja karykatury dakładna nie prymusiać nas źmianić kurs». Miełoni daścipna adkazała Sałaŭjovu
Premjer-ministarka Italii Džordža Miełoni pozna ŭviečary ŭ aŭtorak, 21 krasavika, apublikavała dopis u sacyjalnych sietkach pra «starannych prapahandystaŭ režymu».
Džordža Miełoni supravadziła svoj adkaz u svaim telehram-kanale hetym fota
Heta adbyłosia paśla šyroka abmierkavańnia ŭ italjanskich ŚMI abrazaŭ na jaje adras z boku rasijskaha televiadučaha Uładzimir Sałaŭjoŭ.
«Pa svajoj pryrodzie staranny prapahandyst režymu nie maje prava davać uroki ni paśladoŭnaści, ni svabody. Ale hetyja karykatury dakładna nie prymusiać nas źmianić kurs. U adroźnieńnie ad inšych, my nie zaležym ni ad kaho, u nas niama haspadaroŭ, i my nie prymajem zahadaŭ. U nas jość tolki adzin aryjencir: intaresy Italii. I my budziem z honaram prytrymlivacca jaho, niahledziačy na pratesty prapahandystaŭ z usiaho śvietu», — napisała Miełoni.
Pry hetym jana nie stała zhadvać, što mienavita stała padstavaj dla jaje publikacyi.
Čytajcie taksama:
MZS Italii vyklikała rasijskaha pasła paśla taho, jak Sałaŭjoŭ nazvaŭ Džordžu Miełoni «šł**aj»