MZS Italii vyklikała rasijskaha pasła paśla taho, jak Sałaŭjoŭ nazvaŭ Džordžu Miełoni «šł**aj»
Źnievažaŭ Sałaŭjoŭ na italjanskaj movie.
Ministr zamiežnych spraŭ Italii Antonia Tajani daručyŭ vyklikać rasijskaha pasła Alaksieja Paramonava, kab vykazać aficyjny pratest, paviedamlaje «Dožd́» sa spasyłkaj na ahienctva ANSA.
Učora ŭ efiry «Sołov́jov Live» Uładzimir Sałaŭjoŭ na italjanskaj movie nazvaŭ Džordžu Miełoni «šł**aj» i «fašysckaj niečyściu», bo jana «zdradziła Trampu, jakomu klałasia ŭ viernaści». Paźniej hetyja słovy zaŭvažyli i bujnyja italjanskija miedyja.
«Ja liču svaim abaviazkam zapatrabavać ad rasijskaha pasolstva ŭ Italii, jakoje časta robić zajavy, dystancyjavacca ad hetych słoŭ i tonu», — zajaviŭ ministr abarony Italii Hvida Krazeta.
Sam ža rasijski pasoł zajaviŭ, što italjanskija dypłamaty «ŭ čarhovy raz trapili ŭ štanhu»: «Nivodnamu razumnamu razvažnamu čałavieku nikoli nie pryjšło b u hałavu ŭsprymać vyklučna asabistyja emacyjnyja pryvatnyja acenki kaho b tam ni było jak aficyjnuju zajavu ŭrada toj ci inšaj dziaržavy».
Kamientary