Palitźniavolenaja, jakaja vyjšła na volu ŭ kancy lutaha, naradziła dzicia
U Natalli Levaj naradziŭsia chłopčyk.
Byłaja palitźniavolenaja Natalla Levaja zaciažaryła ŭ kałonii paśla spatkańnia z mužam — para doŭha nie mahła zavieści dziaciej. Padčas «pamiłavańnia» jana była ŭžo na apošnich miesiacach ciažarnaści.
U Natalli naradziŭsia chłopčyk, piša «Biełsat».
Raniej žančynu asudzili na 6 hadoŭ kałonii za «finansavańnie vajny i ekstremisckaj dziejnaści». Da źniavoleńnia jana pracavała ŭ Polščy IT-śpiecyjalistkaju.
Na sumnuju situacyju z Natallaj Levaj źviarnuła ŭvahu hałoŭnaja redaktarka Tut.by Maryna Zołatava
«Bolš za ŭsio siońnia mianie chvaluje Nataša Levaja. Adbyŭsia cud: paśla spatkańnia z mužam jana zaciažaryła. Da hetaha para doŭhi čas nie mahła zavieści dziaciej. Naradžać Natašy prykładna ŭ sakaviku. Tak chočacca, kab heta adbyłosia ŭ inšych umovach», — napisała ŭ studzieni ŭ sacsietkach Maryna Zołatava, jakaja sama vyjšła na volu 13 śniežnia.
Praź miesiac Natalla Levaja vyjšła na svabodu.