Stvaralniki Max kažuć, što ŭ ich miesiendžary zarehistravalisia 1,3 miljona biełarusaŭ
Usiaho ŭ Max zarehistravalisia 110 miljonaŭ čałaviek.
U rasijskim miesiendžary Max zarehistravana bolš za 7 młn zamiežnych karystalnikaŭ, paviedamlaje pres-słužba servisu. U pres-relizie adznačajecca, što 90% ź ich — žychary SND. Štodnia zamiežnyja karystalniki ździajśniajuć 1,5 młn zvankoŭ i adpraŭlajuć bolš za 20 młn paviedamleńniaŭ u Max.
Top-5 krain pa kolkaści rehistracyj u Max uznačaliŭ Uźbiekistan, upieršyniu vypieradziŭšy Biełaruś. Na trecim miescy — Kazachstan, dalej iduć Tadžykistan i Kyrhyzstan.
Na pačatak krasavika ŭ dadatku zarehistravalisia 110 miljonaŭ čałaviek, a štodzionnaja aŭdytoryja miesiendžara pieravysiła 80 miljonaŭ karystalnikaŭ.