U Minsku žančyna pavieryła machlaram, a nie ChatGPT
U Minsku 50‑hadovaja žančyna stała achviaraj machlaroŭ, straciŭšy bolš za 18 tysiač rubloŭ pad vyhladam inviestycyj. Pry hetym u jaje samoj ad pačatku ŭźnikali sumnievy adnosna nadziejnaści kontrahientaŭ, paviedamlaje HUUS Minharvykankama.
Zdymak ilustracyjny. Fota: freepik.com
Žančyna ŭbačyła ŭ sacsietkach rekłamu nibyta vyhadnych układańniaŭ u akcyi i vyrašyła daviedacca pra heta bolš. Dla pravierki jana źviarnułasia da ChatGPT, jaki papiaredziŭ, što płatforma nienadziejnaja. Ale žančyna nie nadała hetamu značeńnia, zarehistravałasia i praciahnuła ryzykoŭnuju hulniu.
Paśla ź minčankaj źviazaŭsia «kansultant», jaki kuryravaŭ jaje dziejańni. Na praciahu prykładna paŭhoda jana nibyta handlavała na biržy, jakaja na samaj spravie była falšyvaj. Kab vyvieści «prybytak», joj kazali adkryvać kryptakašalki i rehistravacca na inšych płatformach. A kab ukłaści jašče bolš hrošaj, žančyna navat uziała kredyt.
U vyniku jana pieraličyła machlaram bolš za 18 tysiač rubloŭ. I tolki tady, kali vyśvietliłasia, što vyvieści hrošy nazad niemahčyma, jana źviarnułasia ŭ milicyju.
Pa hetym fakcie zaviali kryminalnuju spravu.
Čytajcie taksama:
Afierysty prydumali novuju formu machlarstva
Piensijanierka z Mastoŭ addała machlaram 110 tysiač rubloŭ i ŭłasnuju mašynu
Telefonnych machlaroŭ kuryravaŭ kryminalny aŭtarytet rodam z Asipovičaŭ
U Polščy zatrymali hrupu internet-machlaroŭ. Siarod ich — hramadzianin Biełarusi