Na Brestčynie pa Muchaŭcy puściać «Kanarejku»

U Biełarusi płanujuć zapuścić novy vid vodnaha transpartu — elektryčny prahułačny tramvaj kłasu «Kanarejka». Jon budzie kursiravać pa race Muchaviec u Bresckaj vobłaści. Sudna raźličana na 38 pasažyraŭ i pryznačana dla spakojnych prahułak i ekskursij, piša BiełTA.

Sudna «Kanarejka» ŭ Sankt-Pieciarburhu. Zdymak ilustracyjny. Fota: dsmedia.pro

«Kanarejka» — kampaktny transpart, jaki moža prachodzić navat pa vuzkich učastkach raki. Jon pracuje na elektryčnaści, tamu nie stvaraje vychłapaŭ i ličycca ekałahičnym. Maksimalnaja chutkaść — kala 13 km/h, a zaradu akumulataraŭ chapaje na ŭvieś dzień.

Vytvorčaść takich sudnaŭ naładžanaja ŭ rasijskaj Leninhradskaj vobłaści, i ŭłady Bresckaj vobłaści ŭžo damovilisia pra nabyćcio adnaho ź ich.

Akramia taho, razhladajecca mahčymaść arhanizavać ułasnuju vytvorčaść padobnaha transpartu ŭ Pinsku. Tam taksama chočuć raźvivać inšyja prajekty na vadzie — naprykład, budavać płyvučyja damy i restarany.

Kamientary da artykuła