U Litvie parłamiencki kamitet źviarnuŭsia da ŭrada, kab toj abmiežavaŭ prava biełarusaŭ nabyvać nieruchomaść
Kamitet Siejma Litvy pa zamiežnych spravach uchvaliŭ prapanovu źviarnucca da ŭrada, kab toj padrychtavaŭ źmieny ŭ zakony i ŭvioŭ dadatkovyja abmiežavańni na nabyćcio nieruchomaści dla hramadzian Rasii i Biełarusi, piša LRT.
Vilnia. Fota: «Naša Niva»
Ciapier u Litvie ŭžo dziejničaje praviła, pavodle jakoha rasijanie biez dazvołu na žycharstva nie mohuć kuplać nieruchomaść. Dla biełarusaŭ pakul takich abmiežavańniaŭ niama, ale ich płanujuć uvieści.
Urad prosiać da 1 kastryčnika padrychtavać zakonaprajekty, jakija nie tolki abmiažujuć kuplu žylla dla biełarusaŭ, ale i zabaroniać hramadzianam abiedźviuch krain nabyvać nieruchomaść pobač sa stratehična važnymi abjektami.
Ideju abmiežavać kupli i dazvalać ich tolki tym, chto maje pastajanny dazvoł na žycharstva ŭ Litvie, raniej prapanavali kansiervatary. Adnak, pavodle zakona, prapanoŭvać takija abmiežavańni moža tolki ŭrad, a nie sami deputaty.
Čytajcie taksama:
Studenty EHU bajacca viartacca dadomu
Litva nie adkryje pavietranuju prastoru dla palotu Fica ŭ Maskvu na Dzień Pieramohi