Za zdradu dziaržavie buduć sudzić 68‑hadovaha piensijaniera
SK śćviardžaje, što 68‑hadovaha piensijaniera z Vałožynskaha rajona zavierbavała ŭkrainskaja vajennaja raźviedka.
Jak zajaŭlaje SK, u lipieni 2022 hoda mužčyna byŭ zavierbavany hałoŭnym upraŭleńniem raźviedki Ministerstva abarony Ukrainy, i nibyta staŭ źbirać infarmacyju ab miascovych supracoŭnikach milicyi: asabistyja dadzienyja, numary telefonaŭ. Jak śćviardžaje SK, meta była — zavierbavać pravaachoŭnikaŭ u intaresach zamiežnych śpiecsłužbaŭ.
Akramia špijanažu, piensijanieru inkryminujuć raspalvańnie nacyjanalnaj varožaści praz antyrasijskija kamientaryi ŭ internecie.
Piensijaniera abvinavačvajuć pa č. 1 art. 356 (zdrada dziaržavie) i č. 1 art. 130 (raspalvańnie rasavaj, nacyjanalnaj, relihijnaj abo inšaj sacyjalnaj varožaści abo varožaści) Kryminalnaha kodeksa. Jon pad vartaju.