Kolki navabrancaŭ vybirajuć prysiahu na biełaruskaj movie
Na STB u prahramie Ryhora Azaronka «Tak! Ale…» prapahandysty zadalisia pytańniem: «Biełaruskaja mova: ci patrebnaja jana tym, chto havoryć pa-rusku?»
Adzin z arhumientaŭ hetaj aburalnaj dyskusii pryvioŭ namieśnik načalnika pa ideałahičnaj rabocie 62‑ha centralnaha vuzła suviazi Ministerstva abarony Stanisłaŭ Bažyčka.
— Kolki navabrancaŭ vybirajuć prysiahu na biełaruskaj movie? — spytaŭ jaho Azaronak.
— Byvaje pa-roznamu nasamreč. Ale, jak praviła, ad 30 da 50%, — adkazaŭ toj.
— 30% usich pryzyŭnikoŭ? — pierapytaŭ Azaronak.
— Tak točna, na prysiazie. U maim dośviedzie, kali ja pracuju jak ideołah u miežach pryniaćcia vajskovaj prysiahi, vielizarnaja kolkaść ludziej vykazvaje žadańnie prymać prysiahu na biełaruskaj movie. Heta čuvać, usie kamandziry heta čujuć. Nichto nikoli nikomu nie zabaraniŭ prymać prysiahu na biełaruskaj movie, — adkazaŭ toj.