U anieksavanym Krymie biełarusa asudzili za «špijanaž»
U anieksavanym Rasijaj Krymie hramadzianina Biełarusi Alaksieja Tamašova asudzili za nibyta špijanaž na karyść Ukrainy. U 2024 hodzie jamu pryznačyli 14 hadoŭ źniavoleńnia ŭ kałonii strohaha režymu. Ciapier jon adbyvaje pakarańnie ŭ kałonii № 4 u horadzie Puhačoŭ Sarataŭskaj vobłaści, piša «Radyjo Svaboda».
Zdymak ilustracyjny
Pavodle źviestak pravaabaroncaŭ, peŭny čas Tamašova trymali ŭ štrafnym izalatary.
Mužčynu zatrymali ŭ mai 2024 hoda, imavierna ŭ Sievastopali. Jaho abvinavacili ŭ tym, što jon nibyta pieradavaŭ ukrainskim śpiecsłužbam infarmacyju pra raźmiaščeńnie i pieramiaščeńnie rasijskich vojskaŭ i techniki, a taksama ŭ niełajalnaści da palityki Rasii. Prysud vynies sud u Sievastopali.
Pravaabaroncy z Krymskatatarskaha resursnaha centra adznačajuć, što paśla zatrymańnia Alaksieju Tamašovu pryznačyli prymusovaje nazirańnie ŭ psichijatra, a ŭ samim prysudzie nie było kankretna sfarmulavanych abvinavačańniaŭ. Faktyčna śćviardžałasia, što jon moh niešta pieradać abo nanieści škodu, ale dakładnych dokazaŭ hetaha ŭ rašeńni nie pryvodziłasia.